ရာသီစောလာခြင်း (Early Puberty) - သိပ္ပံ၊ လူမှုရေးနှင့် လူငယ်များ၏ စိန်ခေါ်မှု
နိဒါန်း (Introduction) ဟယ်လို! ထက်ရဲ့ စာဖတ်ပရိသတ်တို့ရေ... ဒီနေ့ ထက် ပြောပြချင်တဲ့အကြောင်းအရာကတော့ နည်းနည်းလေး serious ဖြစ်တဲ့၊ ဒါပေမဲ့ အရမ်းအရမ်းကို သိထားသင့်တဲ့ ခေါင်းစဉ်တစ်ခုအကြောင်းပါ။ ခေါင်းစဉ်ကိုမြင်ပြီး တချို့က "အယ်... မိန်းကလေးကိစ္စတွေပဲ" ဆိုပြီး ကျော်သွားဖို့တော့ မလုပ်နဲ့နော်။ အထူးသဖြင့် ယောက်ျားလေးတွေရော၊ မိဘတွေရော၊ ဆရာဆရာမတွေရော... အားလုံးအတွက် အရမ်းအရေးကြီးတဲ့ အကြောင်းအရာမို့လို့ပါ။ ထက်က ဒီကိစ္စကို ရှုထောင့်ပေါင်းစုံကနေ မြင်သလို ချပြသွားမှာမို့လို့ စိတ်ဝင်စားဖို့တော့ အာမခံပါတယ်နော်။ ကဲ... ဟိုဟိုဒီဒီလျှောက်ပြောမနေတော့ဘူး။ ဒီနေ့ထက်ပြောမယ့် topic ကတော့... "ရာသီစောလာခြင်း" ဒါမှမဟုတ် English လိုဆိုရင်တော့ Early Puberty ဒါမှမဟုတ် ပိုတိတိကျကျပြောရရင် Precocious Puberty အကြောင်းပဲဖြစ်ပါတယ်။ ထက်တို့ငယ်ငယ်ကဆိုရင်လေ... အပျိုဖြစ်တယ်ဆိုတာ ၈ တန်း၊ ၉ တန်းလောက်မှ ကြားရတဲ့ကိစ္စ။ ကိုယ့်အစ်မတွေ၊ အဒေါ်တွေခေတ်ကဆို ပိုတောင်နောက်ကျသေးတယ်။ ဒါပေမဲ့ အခုခေတ်မှာ ကြည့်လိုက်ပါဦး။ ကိုယ့်ရဲ့မောင်နှမဝမ်းကွဲထဲက ညီမလေးတွေ၊ အိမ်နီးနားချင်းက ကလေးမလေးတွေ ၃ တန်း၊ ၄ တန်းလောက်နဲ့ ရာသီသွေးစမြင်က...